Sansar News
२० साउन, काठमाडौं । काठमाडौं महानगरपालिका–१५ डल्लु बस्ने प्रकाश शाहीको घरमा जुवातास (ओखर) खेलिरहेको अवस्थामा २१ जना पक्राउ परेका छन् । काठमाडौं टंकेश्वर बस्ने निगेश श्रेष्ठ लगायत २१ जनालाई मंगलबार साँझ प्रहरीले पक्राउ गरेको हो ।
उनीहरुलाई शाहीको घरभित्र जुवातास खेलिरहेको अवस्थामा महानगरीय प्रहरी वृत्त स्वयम्भूबाट खटिएको प्रहरीले नगद ६ लाख ५ हजार रुपैयाँ र खेलमा प्रयोग भएको २६ ओटा ओखर सहित पक्राउ गरेको हो । यस सम्बन्धमा थप अनुसन्धान भईरहेको प्रहरीले जनाएको छ ।
वि.सं.२०७८ साउन २० बुधवार १५:३३ मा प्रकाशित
