हामी सबैकाे संसारन्यूज

२३ साउन, काठमाडौं । एसईई परीक्षा २०७७ सालको नतिजा सार्वजनिक भएको छ ।

राष्ट्रिय परीक्षा बोर्डले शनिवार २०७७ सालको माध्यमीक शिक्षा परीक्षा (एसईई) को नतिजा सार्वजनिक गरेको हो ।

बोर्डका अध्यक्ष चन्द्रमणि पौडेलका अनुसार देशैभरीका विद्यालयहरुबाट आएको आन्तरिक मूल्यांकनका आधारमा प्रमाणिकरण गरी नतिजा प्रकाशित गरिएको हो ।
परीक्षाको नतिजा हेर्नका लागि बोर्डको अफिसीयल वेवसाइट, नेपाल टेलिकम र एनसेलमा १६०० मा एसएमएस गरेर हेर्न सकिन्छ ।

कोरोना भाइरसका कारण परीक्षा नभएपनि विद्यालयको आन्तरिक मूल्यांकनका आधारमा नतिजा प्रकाशन गरिएको हो । यसपाली देशैभरीबाट ५ लाख १७ हजार विद्यार्थीहरु एसइईमा सामेल थिए ।

त्यस्तै बोर्डका अनुसार साउन ३१ गते गरिने भनिएको कक्षा १२ को परीक्षा स्थगित गरिएको छ । कोभिड संकट व्यवस्थापन केन्द्रको सिफारिसमा परीक्षा स्थगन गरिएको बोर्डले जनाएको छ । कक्षा १२ मा देशैभरीबाट ३ लाख ७२ हजार विद्यार्थीले परीक्षाका लागि फारम भरेका थिए ।