हामी सबैकाे संसारन्यूज

२३ साउन, काठमाडौं । स्वास्थ्य तथा जनसंख्या मन्त्रालयले कोरोना भाइरस विरुद्धको खोप लगाइरहेका खोपकेन्द्रहरुमा सर्वसाधारणको भिड भइरहेको भन्दै ध्यानाकर्षण भएको जनाएको छ ।

मन्त्रालयले खोप अभियानलाई द्रुत गतिमा लैजाने गरी खोप आपूर्ति बढाउँदै, केन्द्रहरु विस्तार गर्दै, अनलाइन प्रबिधिको समते प्रयोग गर्दै व्यवस्थित गर्दै लगिएता पनि खोप केन्द्रहरुमा भइरहेको भिडभाडप्रति मन्त्रालयको गम्भीर ध्यानाकर्षण भएको जनाएको हो ।

‘खोप केन्द्रहरुमा थप स्वास्थ्यकर्मी र आवस्यकता अनुसार स्थानीयरुपमा थप स्वयम्सेवकहरु परिचालन गरेर भएपनि सहज अवस्था हुने व्यवस्था हुन अनुरोध गर्दछौं ।’ मन्त्रालयद्धारा शनिवारद्धारा जारी विज्ञप्तिमा भनिएको छ ।