Sansar News
२६ साउन, काठमाडौं । पूर्वप्रधानमन्त्री तथा नेकपा एमालेका अध्यक्ष केपी शर्मा ओलीले एकमहिना अगाडि सरकार परिवर्तन भए पनि काम केही गर्न नसकेको र बधाई र धन्यवाद मात्रै खाँदैमा सरकार ठिक्क भएको भन्दै व्यंग्य गरेका छन् ।
मंगलवार संसदमा सम्बोधन गर्ने क्रममा सत्ता पक्षिय गठबन्धनका नेताहरु असाध्यै हौसिएको र दशै आए जसरी केटाकेटी आँगनमा नाँचे जसरी नाच्दैं ठिक्क भएको भन्दै व्यंग्य गरेका हुन् ।
‘लोकतन्त्रमा सरकार परिवर्तन हुनु सामान्य कुरा नै हो । तर असामान्य ढंगले सरकार परिवर्तन भएकैले होला सत्ता पक्षिय गठबन्धनका मित्रहरु असाध्यै हौसिनु भएको छ । दशै आए जसरी केटाकेटी आँगनमा नाँचे जसरी नाच्दैं ठिक्क भएको छ । एक महिनासम्म धन्यवाद र बधाई के का लागि भन्दा एक महिना केही नगरेको हुनाले धन्यवाद र बधाई ! ’संसदमा बोल्दै ओलीले भने ।
उनले सुकुम्बासी आयोग र भूमिहिन आयोग जस्ता कामहरु बन्द गरेर उनीहरुको घाँटी सेर्ने काम गरेको भन्दै अर्को भन्दै सरकारको आलोचना समेत गरेका थिए ।
वि.सं.२०७८ साउन २६ मंगलवार १४:३४ मा प्रकाशित
