हामी सबैकाे संसारन्यूज

२९ साउन, काठमाडौँ । मेगा बैंक नेपाल लिमिटेडले गत आर्थिक वर्षको चौथो त्रैमाससम्मको वित्तीय विवरण सार्वजनिक गरेको छ । चौथो त्रैमासमा बैंकको अधिकांश सूचकमा सुधार देखिएको छ।

आर्थिक वर्ष ७७/७८ को चौथो त्रैमासमा मेगा बैंक को खुद नाफा ४५.१६ प्रतिशतले बढेको छ । चौथो त्रैमासमा बैंकले २ अर्ब ३० करोड खुद नाफा गरेको छ । अघिल्लो आर्थिक वर्षको सोही अवधिमा बैंकको खुद नाफा १ अर्ब ५८ करोड रहेको थियो ।

बैंकको खुद ब्याज आम्दानी ३८.९५ प्रतिशत बढेको छ भने खुद फि तथा कमिशन आम्दानी २६.९० प्रतिशत बढेको छ । यस अवधिमा बैंकको वितरणयोग्य मुनाफा १ अर्ब ५१ करोड रहेको छ । त्यसैगरी बैंकको जगेडा कोष पनि १५.९२ प्रतिशत बढेको छ ।

बैंकको चुक्ता पूँजी ११.५४ प्रतिशतले बढेर १४ अर्ब ६५ करोड पुगेको छ अघिल्लो आर्थिक वर्षको सोही अवधिमा बैंकको चुक्ता पूँजी १३ अर्ब १३ करोड रहेकाे थियाे ।

बैंकको प्रति शेयर आम्दानी १५.७१ रुपैयाँ रहेको छ भने प्रति शेयर नेटवर्थ १३८.५५ रुपैयाँ रहेको छ ।