Sansar News
३० साउन, काठमाडौं । नेपाली कांग्रेसले केन्द्रीय महाधिवेशन मंसिर ९ देखि १२ सम्म गर्ने निर्णय गरेको छ ।
भदौ १६ देखि १९ गतेसम्म तोकिएको महाधिवेशन हुन नसकेपछि कांग्रेसले महाधिवेशन कार्यतालिका पुनः संशोधन गर्दै आउँदै मंसिर ९ देखि १२ सम्म गर्ने निर्णय गरेको हो । शनिबार केन्द्रीय समिति बैठकले महाधिवेशनको मिति तोक्दै महाधिवेशन केन्द्रीत कार्यतालिका समेत पास गरेको छ ।
जसअनुसार क्रियाशील सदस्यको अन्तिम नामावली बुझाउनका लागि भदौ २ सम्मको मिति तोकेको छ । त्यस्तै भदौ २ गते नै निर्वाचन निर्देशिकालाई अन्तिम रुप दिने कार्यतालिका जनाइएको छ ।
वडा अधिवेशन भदौ १८, गाउँ तथा नगर अधिवेशन भदौ २७, प्रदेश निर्वाचन क्षेत्रको अधिवेशन असोज १, संघीय निर्वाचन क्षेत्रको अधिवेशन असोज ५, जिल्ला अधिवेशन असोज १० र प्रदेश अधिवेशन कात्तिक १० देखि १२ गतेसम्मका लागि तोकिएको छ । त्यस्तै नयाँ केन्द्रीय कार्यसमितिको बैठक मंसिर १३ गते बस्ने कार्यतालिका छ ।
Pic: Balkrishna Pandey
वि.सं.२०७८ साउन ३० शनिवार १९:१८ मा प्रकाशित
