Sansar News
३१ साउन, काठमाडौं । हाइटीमा ७.२ म्याग्निच्युटको भूकम्प जाँदा तीनसय बढीको बढीको मृत्यु भएको र कैयौं घाईते भएका छन् ।
स्थानीय समय अनुसार शनिवार बिहान पश्चिम हाइटीको सेन्ट–लुईस दुसुद भन्ने ठाउँलाई केन्द्रबिन्दु बनाएर गएको उक्त भूकम्पमा परी अहिलेसम्म ३०४ जनाको मृत्यु भएको र कैयौं घाईते भएका छन् भने घर, विद्यालय, चर्च, होटल लगायतका धेरै भौतिक संरचनाहरु भत्किएको समाचार ऐजेन्सीहरुले जनाएका छन् ।
हाइटीका प्रधानमन्त्री हेनरीले भूकम्पबाट धेरै क्षति पुगेको भन्दै एकमहिने आपतकालको घोषणा गरेका छन् । हाइटीमा सन् २०१० मा गएको ७ म्याग्नेच्युटको भूकम्पले हजारौं मानिसको मृत्यु भएको थियो ।
वि.सं.२०७८ साउन ३१ आइतवार ०८:४८ मा प्रकाशित
