Sansar News
३२ साउन, काठमाण्डौं । हाल मनसुनी न्यून चापिय रेखा नेपालको तराई भू–भागमा रहेको छ ।
मौसम पूर्वानुमान महाशाखाका अनुसार आज दिउँसो प्रदेश १, प्रदेश २, बागमती प्रदेश र गण्डकी प्रदेशका केहि स्थानहरुमा र लुम्बिनी, कर्णाली तथा सुदुरपश्चिम प्रदेशका थोरै स्थानहरूमा हल्कादेखि मध्यम वर्षाको सम्भावना रहेको छ ।
त्यस्तै राति पनि प्रदेश नं १, बागमती प्रदेश र गण्डकी प्रदेश थोरै स्थानहरुमा मेघ गर्जन/चट्याङ्ग सहित भारी वर्षाको सम्भावना रहेको छ ।
त्यसैगरी बाढी पूर्वानुमान महाशाखाका अनुसार आज कोशीका सहायक नदीहरु तमोर, अरुण, दुधकोशी, मेलम्ची, इन्द्रावती, सुनकोशी तथा मझौला नदीहरु कन्काई, बागमती, पूर्वी राप्ती र तिनाउमा बहाव बढ्ने छ ।
विशेष गरी कमलामा बहाव उल्लेख्य बढ्ने र सतर्कता तह पार गर्न सक्ने पूर्वानुमान रहेकाले उक्त नदीहरुका तटीय क्षेत्र तथा डुवान भईरहने क्षेत्रहरूमा सतर्कता अपनाउन अनुरोध गरिएको छ ।
वि.सं.२०७८ साउन ३२ सोमवार ०९:०७ मा प्रकाशित
