Sansar News
भदौ ४, काठमाडौं । भारतको नयाँदिल्लीस्थित एपोलो अस्पतालमा उपचाररत पूर्वप्रधानमन्त्री झलनाथ खनाल पनि माधवकुमार नेपालले खोलेको एकिकृत समाजवादीको पक्षमा उभिएका छन् ।
शुक्रबार सामाजिक सञ्जालमार्फत खनालको सचिवालयले उनको साथ र समर्थन माधव नेतृत्वको नयाँ पार्टीमा रहेको बताएको हो ।
खनालको सचिवालयले सामाजिक सञ्जालमार्फत भनेको छ – भारतको नयाँदिल्ली स्थित एपोलो हस्पिटलमा उपचाररत पूर्व प्रधानमन्त्री झलनाथ खनालज्यू नयाँ दर्ता भएको नेपाल कम्युनिष्ट पार्टी (एकीकृत समाजवादी) को साथ र समर्थनमा रहनुभएको सम्पूर्णमा जानकारी गराउँदछौं ।
वि.सं.२०७८ भदौ ४ शुक्रवार १७:४१ मा प्रकाशित
