Sansar News
४ भदौ, पोखरा । कोरोना संक्रमणबाट गण्डकी प्रदेशमा शुक्रवार थप ५ जनाको मृत्यु भएको छ ।
प्रदेशको स्वास्थ्य निर्देशनालयका अनुसार मृत्युहुनेमा कास्कीका २ नवलपरासीपूर्वका २ र पर्वतका १ गरी ५ जना रहेका छन् ।
शुक्रवार थपिएका ५ जनासँगै प्रदेशमा हालसम्म ज्यान गुमाउनेको संख्या १ हजार २२१ पुगेको छ ।
त्यस्तै प्रदेशमा शुक्रवार म्याग्दीमा ७, पर्बतमा ७, गोरखामा ४८, लमजुङमा ४, तनहुँमा ३५, कास्कीमा ११०, वाग्लुङमा १९, स्याङजामा ३६ र नवलपरासीपूर्वमा ३७ जना गरी ३०३ जना नयाँ संक्रमित थपिएका छन् । ती मध्ये १५३ जना महिला र १५० जना पुरुष रहेका छन् ।
निर्देशनालयद्धारा जारी विवरण अनुसार शुक्रवार थपिएका संक्रमितमध्ये सबैभन्दा बढी कास्कीमा ११० जना रहेका छन् ।
शुक्रवार थपिएका ३०३ जनासँगै प्रदेशमा हालसम्म ७८ हजार १५० जनामा कोरोना संक्रमण पुष्टि भएको छ भने ती मध्ये ७१ हजार ३२० जना निको भइसकेका छन् । शुक्रवार ५७७ जना संक्रमणबाट मुक्त भएका हुन् ।
निर्देशनालयका अनुसार प्रदेशमा हाल ५,६०४ सक्रिय संक्रमित रहेका छन् । ती मध्ये ५२११ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहका निर्देशनालयले जनाएको छ ।
गण्डकी प्रदेशमा कोरोनाबाट थप ५०४ संक्रमित, ३३ जनाको मृत्यु,कुन जिल्लामा कति थपिए त ?
वि.सं.२०७८ भदौ ४ शुक्रवार १७:४१ मा प्रकाशित
