हामी सबैकाे संसारन्यूज

७ भदौ, झापा । झापामा एक दम्पत्ती आठ महिने छोरीसहित झुण्डिएको अवस्थामा फेला परेका छन् ।

झापाको कन्काई नगरपालिका १ का ३४ वर्षीय रविन विक, उनकी श्रीमती २९ वर्षीया मुना विक र आठ महिने छोरी रुविना सोमबार विहान झुण्डिएको अवस्थामा मृत भेटिएको ईलाका प्रहरी कार्यालय विर्तामोडका डिएसपी सन्तोष आचार्यले संसारन्युजलाई बताएका छन् ।

बिहान ८ बजेसम्म पनि नउठेपछि नजिकै अर्र्को घरमा रहेकी काकीले के भएछ उठेनन् भनेर हेर्नजाँदा त्यस्तो अवस्थामा भेटिएको डिएसपी आचार्यले बताए ।

उदयपुरमा रहेका मुनाका माईतीले आफुहरु नआउँदासम्म शव नउठाउन भनेकाले उनीहरुलाई कुरेर बसेको डिएसपी आचार्यले बताए ।

डिएसपी आचार्यले आफुहरु अनुसन्धानमै रहेकोले घटना कसरी घट्यो भन्ने विषयमा पूरा विवरण नआइसकेको बताए । उनीहरुमध्ये रविन विकलाई कोरोना संक्रमण भएको पनि डिएसपी आचार्यले जानकारी दिए ।