Sansar News
भदौ ७, काठमाडौं । लुम्बिनी प्रदेशसभामा मुख्यमन्त्री कुलप्रसाद केसीले विश्वासको मत पाएका छन् ।
प्रदेशसभामा रहेका ८० सदस्यमध्ये ४२ जनाले उनलाई विश्वासको मत दिए । केसीलाई विश्वासको मत दिने क्रममा प्रमुख प्रतिपक्षी दल एमालेका सांसद उपस्थित थिएनन्।
केसीलाई नेपाली कांग्रेसका १९, माओवादी केन्द्रका १७, जनता समाजवादीका ३, राष्ट्रिय जनमोर्चाका १ र सूर्य चिह्नबाट चुनाव लडेका विवादास्पद अजय शाही र विमला वलीले उनको पक्षमा मतदान गरेका हुन् ।
माओवादी केन्द्रका संसदीय दलका नेता केसी गत साउन २७ मा गठबन्धनका चार दल र एक सांसद गरि ४२ सांसदको समथर्नमा मुख्यमन्त्रीमा नियुक्त भएका थिए ।
नियुक्त भएको तीस दिनभित्र विश्वासको मत लिनुपर्ने संवैधानिक व्यवस्था छ । सोहीअनुसार उनले दुई हप्तापछि संसदबाट विश्वासको मत लिएका हुन् ।
सम्बन्धित समाचार
एमालेको बहिस्कारका बीच लुम्बिनीका मुख्यमन्त्रीले विश्वासको मत लिँदै
वि.सं.२०७८ भदौ ७ सोमवार १७:४३ मा प्रकाशित
