हामी सबैकाे संसारन्यूज

११ भदौ, काठमाडौं । फोहोर मैला टिप्ने भन्दै विभिन्न घरमा पुगेर बहुमूल्य धनमाल चोरी गरेको आरोपमा एक व्यक्ति पक्राउ परेका छन् ।

उपत्यकाका विभिन्न सडक लगायतका ठाउँमा फोहर मैला उठाउनेको भेष बनाई चावि लगाइएका तथा घरमा कोही नभएको तथा सुनसान रहेको मौका छोपी सुनका गरगहन, ल्यापटप, मोबाइल चोरी गर्ने ललितपुर, बालकुमारी बस्ने झोक्की कुमार तोलाङ्गे भन्नेलाई प्रहरीले पक्राउ गरेको हो ।

भक्तपुर ठिमी नगरपालिका वडा नं ३ का नरेन्द्रराज सिजापतिको घरबाट मोबाइल तथा २७ हजार नगद चोरी गरेको आरोपमा भक्तपुर प्रहरीले तोलाङ्गेलाई बालकुमारी पुलबाट पक्राउ गरेको हो ।

पक्राउ परेका तोलाङ्गृेको साथबाट प्रहरीले २ थान ल्यापटप, एकथान मोबाइललगायतका सामाग्र बरामद रगेको थियो ।

महोत्तरी बर्दिवास वडा नं ८ वासी ३० वर्षीय तोलाङ्गे यसअघि पनि बिजुलीको तार चोरी मुद्धामा जेल परेको प्रारम्भिक अनुसन्धानमा खुलेको प्रहरीले जनाएकोछ ।