Sansar News
१२ फागनु, त्रिशूली (नुवाकोट) । भूकम्पपछिको पुनःनिर्माणका लागि नुवाकोटमा ६२ हजार नागरिकलाई अनुदान रकमको पहिलो किस्ता वितरण भएको छ । यस्तै हालसम्म एक सय ८० नागरिकले दोस्रो किस्ताको रकमसमेत लिइसकेका छन् ।
गुनासो सम्बोधन भएका सात हजार नागरिकमा गैरलाभग्राहीसमेत रहेको राष्ट्रिय पुनःनिर्माण प्राधिकरण जिल्ला समन्वय समितिको सचिवालयमा निमित्त प्रमुख वेदप्रसाद गौडेलले गौडेलले बताउनुभयो ।
पूर्व सांसद मञ्चले बुधबार यहाँ आयोजना गरेको अन्तक्र्रियामा मञ्चका कावा अध्यक्ष झलकनाथ वाग्लेले मञ्चले भूकम्प प्रभाबित जिल्लाहरूमा अन्तक्र्रिया कार्यक्रम गर्दै पुनःनिर्माणको क्रममा भएका समस्या तथा चुनौतीलाई प्रधानमन्त्रीको कार्यालयसम्म लग्ने र समस्या समाधानका लािग पहल गर्ने बताउनुभयो ।
नुवाकोटका राजनीतिक दलले सम्बन्धित कार्यालयमा आवश्यकतानुसार कर्मचारी व्यवस्थापन नहुँदा पुनः निर्माणमा समस्या उत्पन्न भएको बताउँदै सम्बन्धित सबै कार्यालयमा आवश्यकतानुसारको कर्मचारी व्यवस्थापन र ऐननियममा छिटोछरितोपन भएमा पुनःनिर्माणले तीव्रता पाउने आशा व्यक्त गरे ।
गौडेलका अनुसार हाल गुनासो सम्बोधनपछि प्रबलीकरण गर्न मिल्ने भनेर तोकिएका घर पुनःनिर्माण नै गर्नुपर्ने भएको छ । गाउँघरमा निर्माण भएका ढुङगामाटाका घर प्रबलीकरणभन्दा नयाँ निर्माणमा सहज र सस्तो हुने बताइएको छ ।
वि.सं.२०७३ फागुन १२ बिहीवार ०३:४३ मा प्रकाशित
