हामी सबैकाे संसारन्यूज

१३ भदौँ, काठमाडौँ । साताको पहिलो दिन आइतबार सेयर बजार (नेप्से) ४९ दशमलब १८ अकंल घटेर ३०४४ दशमलब ८७ विन्दुमा पुगेको छ । ठूला कम्पनीहरुकोे कारोबार मापक सेन्सेटिभ पनि ८ दशमलब ५९ अकंले घटेर ५६२ दशमलब ८६ अकंमा पुगेको छ ।

आज कुल सूचिकृतमध्ये २२७ कम्पनीको १५ अर्ब ६५ करोड १२ लाख ४४ हजार ५०४ रुपैंया बराबरको २ करोड ४८ लाख ८८ हजार ३ सय १३ कित्ता सेयर किनबेच भएको छ । तिनको कारोबारमा १ लाख ५९ हजार १ सय ३७ पटक लेनदेन भएको छ ।

कारोबार रकमको आधारमा अरुण भ्याली हाइड्रोपावर, अरुण काबेली पावर, जिवन विकास लघुवित्त, आईसीएफसी फाइनान्स, हिमालयन डिष्टिलरी लगायतका कम्पनीहरु शिर्ष स्थानमा रहे भने कारोबार संख्याको आधारमा अरुण भ्याली हाइड्रोपावर, अरुण काबेली पावर, लक्ष्मी इक्यूटी फण्ड, सनराईज म्यूचल फण्ड, नेशनल हाईड्रोपावर लगायतका कम्पनीहरु शिर्ष स्थानमा रहे ।

आज सबै भन्दा धेरै कमाउनेमा नारायणी डेभल्पमेन्ट बैंक, खानीखोला हाईड्रोपावर, अरुण भ्याली हाईड्रोपावर, जानकी फाइनान्स, सिभिल लघुवित्त लगायतका कम्पनीका लगानीकर्ताहरु पनि कमाउनेमा परेका छन भने सबै भन्दा धेरै गुमाउनेमा भने रुरु जलविद्यृत, सिंगटी हाईड्रो इनर्जी, गोर्खाज फाइनान्स, सिईडीबी हाईड्रोपावर, वरुण हाईड्रोपावर लगायतका कम्पनीका लगानीकर्ताहरु परेका छन ।

आज भएको कारोबारमा २८ कम्पनी लागनीकर्ताले कमाउदाँ १५७ कम्पनीमा लगानीकर्ताले गुमाएका छन भने १ कम्पनीको सूचकमा कुनै पनि फेरबदल भएको छैन ।