Sansar News
१४ भदौ, काठमाडौं । हाल प्रदेश १, प्रदेश २, बागमती प्रदेश, गण्डकी प्रदेश, र लुम्बिनी प्रदेशका केही स्थानहरूमा हल्का देखि मध्यम वर्षा भईरहेको छ ।
मौसम तथा पूर्वानुमान महाशाखाका अनुसार आज दिउँसो प्रदेश नं १, बाग्मती प्रदेश, गण्डकी प्रदेश र सुदुरपश्चिम प्रदेशका एक–दुई स्थानमा मेघ गर्जन\चट्याङ्ग सहित भारी\धेरै भारी सम्भावना रहेको छ ।
त्यस्तै राति पनि प्रदेश १, बागमती प्रदेश र गण्डकी प्रदेशका एक दुई स्थानमा मेघ गर्जन/चट्याङ्ग सहित भारी वर्षाको सम्भावना रहेको छ ।
त्यसैगरी आज नारायणी र यसका सहायक नदीहरू विशेषगरी मर्स्याङ्दी र कालीगण्डकीमा बहाव बढ्ने तथा सतर्कता आसपास पुग्न सक्ने छन् । साथै कोशी र यसका सहायक नदीहरूमा बहाव बढ्ने, तिनाउ र पश्चिम राप्तीमा बहाव बढ्ने तथा अन्य प्रमुख र मझौला नदीहरूमा बहाव सामान्य रहने पूर्वानुमान रहेको बाढी पूर्वानुमान महाशाखाले जनाएको छ ।
वि.सं.२०७८ भदौ १४ सोमवार ०९:२२ मा प्रकाशित
