Sansar News
भदौ १४, काठमाडौं । नेकपा (एकीकृत समाजवादी)का नेता झलनाथ खनालले अब आफुँ कुनै कार्यकारी भूमिकामा नहुने घोषणा गरेका छन् । सोमबार स्वास्थ्य उपचार पछि स्वदेश फर्किएका उनले यस्तो घोषणा गरेका हुन् ।
उनले आफुँ ७० वर्ष कटिसकेकाले पनि कार्यकारी पोष्ट माग्ने कुनै नैतिक अधिकार नभएको बताए ।
‘मेरो जीवन नाफाको हो, बोनस हो । सास रहुञ्जेल देश, राष्ट्र राष्ट्रियता, कम्युनिस्ट आन्दोलनको विस्तार र समाजवाद निर्माणको काममा समय खर्चिनुछ’ नेता खनालले भनेका छन्, ‘मसँग अब कुनै कार्यकारी पोष्ट माग्ने नैतिक अधिकार छैन, ७० वर्ष पुगिसकेको छु ।’
उनले एमाले छाडेर एकीकृत समाजवादी बनाउनुलाई फुटेको भन्न नमिल्ने पनि बताएका छन् । उनले केपी शर्मा ओलीबाट आफुँहरुले विद्रोह गरेको बताए ।
उनले भनेका छन्, ‘विद्रोह फुट होइन । यो विद्रोह थोरै मान्छेको हो कि जस्तो लाग्नसक्छ, तर सयौं, हजारौं र लाखौं हुँदै क्रान्तिको विकास हुन्छ । अहिले यो झिल्कोका रुपमा मात्रै छ ।’
सम्बन्धित समाचार
वि.सं.२०७८ भदौ १४ सोमवार १७:११ मा प्रकाशित
