हामी सबैकाे संसारन्यूज

१४ भदौ, काठमाडौं । पछिल्लो २४ घण्टामा देशैभरी २२९५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज पिसीआर र ऐन्टिजेन विधिबार गरिएको १६,२३३ वटा नमुना परीक्षणमा देशैभरी २२९५ जनामा संक्रमण पुष्टि भएको छ ।

आज थपिएका २२९५ संक्रमितसँगै देशमा हालसम्म ८ लाख ४४ हजार ४८८ जना संक्रमित भएका छन् ।

त्यसैगरी पछिल्लो २४ घण्टामा निको भएका १,८०८ जनासँगै नेपालमा हालसम्म कोरोना संक्रमणबाट मुक्त हुनेको संख्या ७ लाख १४ हजार ५२० पुगेको छ ।

त्यस्तै आज देशैभरी १६ जना कोरोना संक्रमितको मृत्यु भएको छ । विगतका तुलनामा आज कोरोना संक्रमणबाट ज्यान गुमाउनेको संख्यामा कमी आएको हो । आज थपिएका १६ जनासँगै नेपालमा हालसम्म कोरोना संक्रमणबाट ज्यान गुमाउनेको संख्या १० हजार ७३० पुगेको छ ।

नेपालमा हाल ३५ हजार ८७४ जना सक्रिय संक्रमित रहेका छन् । ती मध्ये ३३ हजार ३३३ जना होम आइसोलेशन र २५४१ जना संस्थागत आइसोलेशन सेन्टरमा रहेका छन् । मन्त्रालयका अनुसार आजको तथ्यांकंमा संस्थागत आइसोलेशनमा रहनेको संख्या केही घटेको हो ।

हाल देशका विभिन्न अस्पतालका आइसीयुमा ५६८ र भेन्टिलेटरमा १६० जनाको उपचार भइरहेको स्वास्थ्यमन्त्रालयद्धारा जारी विवरणमा उल्लेख छ । आज आइसीयु र भेन्टिलेटरमा उपचार गराउनेको संख्या पनि घटेको छ ।

नेपालमा हालसम्म ५३ लाख १७ हजार४८३ जनाले कोरोना भाइरसविरुद्धको पहिलो मात्राको खोप लगाएका छन् भने ४३ लाख ९६ हजार ४०२ जनाले दोस्रो मात्राको खोप लगाएको पनि मन्त्रालयले जनाएको छ । मन्त्रालयको विवरण अनुसार पछिल्लो २४ घण्टामा ५ लाख ९७ हजार ५९८ जनाले कोरोना भाइरसविरुद्धको खोप लगाएका छन् ।

नेपालमा घट्दै छ कोरोना संक्रमित हुनेको संख्या, आज १३८८ संक्रमित, २४ जनाको मृत्यु