हामी सबैकाे संसारन्यूज

भदौ १६, काठमाडौं । जसपाबाट अलग भएर बनेको लोकतान्त्रिक समाजवादी पार्टीको पक्षमा प्रदेश २ मा ११ सांसदले मात्रै सनाखत गराएका छन् । बधुबार जसपाका ११ सांसदले लोसपाको पक्षमा सनाखत गराएका हुन् ।

प्रदेशसभा सदस्यहरूमा सुरिता साह, जयनुल राइन, बबिता चौधरी, निलम देवी भूमिहारिन, अलका झा, गौरीनारायण साह, जानकीशरण साह, परमेश्वर साह, रमेशप्रसाद कुर्मी, बाबुलाल साह र उपेन्द्र महतोले लोसपाको पक्षका सनाखत गराएका छन् ।

प्रदेश २ मा जसपाका ५५ प्रदेशसभा सदस्य थिए । जसमध्ये तत्कालिन समाजवादीबाट ३० र तत्कालिन राजपाबाट २५ सदस्य निर्वाचित भएर आएका थिए ।

तर, महन्थ ठाकुर पक्षले जसपाबाट अलग भएर लोसपा बनाउँदा राजपाबाट निर्वाचन २५ मध्ये ११ सदस्यले मात्रै साथ दिएका छन् । राजपाबाटै निर्वाचित १४ सदस्यले भने जसपा रोजेका छन् ।

माओवादीले कारबाही गरेपछि १०४ सदस्यीय बनेको प्रदेशसभामा जसपा र एमाले विभाजनसँगै जसपामा ४५, नेपाली कांग्रेसमा १९, नेकपा (एस)मा १३, लोसपामा ११, माओवादी केन्द्रमा ८, नेकपा (एमाले)मा ६ र एक स्वतन्त्र सांसद छन् ।