हामी सबैकाे संसारन्यूज

१६ भदौ, काठमाडौं । पछिल्लो २४ घण्टामा देशैभरी २०५२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज पिसीआर र ऐन्टिजेन विधिबाट गरिएको १४,९३५ वटा नमुना परीक्षणमा देशैभरी २,०५२ जनामा संक्रमण पुष्टि भएको छ ।

आज काठमाडौं ४७१, भक्तपुरमा १४६ र ललितपुरमा १०२ जना गरी उपत्यकामा आज ७१९ जना संक्रमित थपिएका छन् ।

आज थपिएका २०५२ संक्रमितसँगै देशमा हालसम्म ८ लाख ४८ हजार २०४ जना संक्रमित भएका छन् ।

त्यसैगरी पछिल्लो २४ घण्टामा निको भएका ३,०३० जनासँगै नेपालमा हालसम्म कोरोना संक्रमणबाट मुक्त हुनेको संख्या ७ लाख १९ हजार ३३६ पुगेको छ ।

त्यस्तै आज देशैभरी २० जना कोरोना संक्रमितको मृत्यु भएको छ । आज थपिएका २० जनासँगै नेपालमा हालसम्म कोरोना संक्रमणबाट ज्यान गुमाउनेको संख्या १० हजार ७७० पुगेको छ ।

नेपालमा हाल ३४ हजार १८९ जना सक्रिय संक्रमित रहेका छन् । ती मध्ये ३१ हजार ८१२ जना होम आइसोलेशन र २,३७७ जना संस्थागत आइसोलेशन सेन्टरमा रहेका छन् ।

हाल देशका विभिन्न अस्पतालका आइसीयुमा ५६३ र भेन्टिलेटरमा १७० जनाको उपचार भइरहेको स्वास्थ्यमन्त्रालयद्धारा जारी विवरणमा उल्लेख छ । आज आइसीयु र भेन्टिलेटरमा उपचार गराउनेको संख्या बढेको छ ।

नेपालमा हालसम्म ४३ लाख ९९ हजार २६ जनामा कोरोनाको नमुना परीक्षण गरिएको छ । त्यसमध्ये ३९ लाख २५ हजार ७५८ जनामा पिसीआर र ४ लाख ७३ हजार २६८ जनामा ऐन्टिजेन विधिबाट परीक्षण गरिएको छ ।

१ करोड बढीले खोप लगाए
त्यस्तै माघबाट सुरु गरिएको खोप अभियान अन्तर्गत १ करोड ९२ हजार १६४ डोज खोप लगाइएको छ । जसमा ५४ लाख २४ हजार ८६३ जनाले पहिलो मात्राको खोप लगाएका छन् भने पूर्ण मात्रामा खोप लगाउनेको संख्या ४६ लाख ६७ हजार ३२८ जना रहेको छ । यो कू्रल जनसंख्याको १५.४ प्रतिशत रहेको पनि मन्त्रालयले जनाएको छ ।

२० जिल्लामा ५०० भन्दा बढी सक्रिय संक्रमित
स्वास्थ्य मन्त्रालयले हाल देशका २० वटा जिल्लामा ५०० भन्दा बढी सक्रिय संक्रमित रहेको जनाएको छ ।

आज देशैभरी थप २२९५ जनामा कोरोना संक्रमण, १६ जनाको मृत्यु