Sansar News
भदौ १७, काठमाडौं । पार्टी विभाजनको अन्तिम समय माधवकुमार नेपाललाई छाडेर एमालेतिर फर्किएका भीम रावल आफ्नै जिल्लामा एक्लिएका छन् । रावलले अछामको पार्टी पंक्ति मात्रै होइन् एमालेबाट निर्वाचित जनप्रतिनिधिलाई पनि आफ्नो पक्षमा ल्याउन सकेनन् ।
अछामबाट निर्वाचित सबै प्रदेशसभा सदस्यहरुले एकीकृत समाजवादी रोजेका छन् । प्रदेश सभा सदस्य मिना साउँदा, दुर्गा विक र बलबहादुर सोडारीले नेकपा (एस)तर्फ सनाखत गरिसकेका छन् ।
एमालेका जिल्ला अध्यक्ष बनेका शेरबहादुर कुँवर पनि नेकपा (एस) तिर लागेका छन् ।
अधिकांश स्थानीय जनप्रतिनिधि नेकपा (एस) तिरै
२०७४ को स्थानीय तह निर्वाचनमा अछामका १० स्थानीय तहमध्ये एमालेले २ नगरपालिकामा प्रमुख र उपप्रमुखसहित एक गाउँपालिकाको अध्यक्ष जितेको थियो । जसमध्ये एक गाउँपालिका र एक नगरपालिकाका प्रमुखले नेकपा (एस) रोजेका छन् ।
नेकपा (एस) रोज्नेमा साँफे नगरपालिकामा प्रमुखमा जितेका कुलबहादुर कुँवर र चौरपाटी गाउँपालिकाका अध्यक्ष हर्कबहादुर साउँद हुन् । रावलको पक्षमा मंगलसेन नगरपालिकाका प्रमुख पदमबहादुर बोहरो मात्रै देखिएका छन् ।
सम्बन्धित समाचार
सुदुरपश्चिम र प्रदेश २ मा माधवको पार्टी एमालेभन्दा ठूलो, कुन प्रदेशमा कसको संख्या कति ?
वि.सं.२०७८ भदौ १७ बिहीवार १३:४९ मा प्रकाशित
