Sansar News
१७ भदौ, काठमाडौं । नेपाली बजारमा सुनको भाउ निरन्तर घटिरहेको छ ।
नेपाल सुनचाँदी व्यवसायी महासंघका अनुसार आज सुनको भाउ आज पनि प्रतितोला २०० रुपैयाँले घटेको छ । बुधवार प्रतितोला ९१ हजार रुपैयाँमा कारोबार भएको छापावाल सुनको भाउ आज २०० रुपैयाँले घटेर प्रतितोला ९० हजार ८०० रुपैयाँमा कारोबार भइरहेको छ ।
त्यस्तै तेजावी सुन प्रतितोला ९० हजार ३०० रुपैयाँ र चाँदी प्रतितोला १२०५ रुपैयाँमा कारोबार भइरहेको छ ।
साताको पहिलो दिन ९१ हजार ६०० रुपैयाँमा कारोबार भएको सुनको भाउ साताको अन्तिमसम्म आइपुग्दा प्रतितोला ८०० रुपैयाँले घटेको छ ।
वि.सं.२०७८ भदौ १७ बिहीवार १३:५७ मा प्रकाशित
