Sansar News
१७ भदौ, काठमाडौं । अर्घाखाँची ओपिसी सिमेन्टले ४३ ग्रेड सिमेन्टको इजाजत प्राप्त गरेको छ ।
नेपाल गुणस्तर तथा नापतौल विभागले एनएचएस–५७२ प्रमाणीकरण गरी कम्पनीलाई विहीबार४३ ग्रेडको प्रमाणपत्र दिएको हो ।
कम्पनीले गुणस्तरीय सिमेन्ट उत्पादन र बिक्रीलाई प्राथमिकता राखेको जनाएको छ । ‘हाल सम्म ३३ ग्रेड सो सहरको मान्यता पाइरहेको हाम्रो उत्पादनलाई ४३ ग्रेडको प्रमाणीकरणले आम उपभोक्तालाई अर्घाखाँचीका उत्पादनहरुको प्रयोग गर्न थप निश्चिन्त बनाउने छ,’ कम्पनीका महाप्रबन्धक उद्धब कार्कीले बताए ।
विभागले सिमेन्टमा उच्च गुणस्तरको सुनिश्चितता गर्ने उद्देश्यले यस वर्षदेखि एनएचएस–५७२ को अवधारणा सहित ग्रेडिङ प्रणालीलाई अघि सारेको हो । क्लिंकर, ओपिसी र पिपिसी सिमेन्टको उत्पादन गरिरहेको अर्घाखाँची सिमेन्ट राम्रो कम्पनीभित्र पर्छ । गत वर्ष पब्लिक लिमिटेडमा परिणत भएसँगै कम्पनीले आइपीओमा लैजाने प्रक्रिया सुरु गरिसकेको छ ।
२०७५ सालदेखि आफ्नो कुल उत्पादन क्षमतालाई बढाएर प्रतिवर्ष १० लाख टन पु¥याएको कम्पनीले लकडाउनमा समेत २०७७÷७८ मा १८ प्रतिशतले बिक्री बढाउन सफल भएको छ ।
कम्पनीका प्रमुख वित्त अधिकृत राजु पौडेलले अर्को आर्थिक वर्षभित्र सेयर जारी गरिसक्ने बताए ।
वि.सं.२०७८ भदौ १७ बिहीवार २१:११ मा प्रकाशित
