हामी सबैकाे संसारन्यूज

भदौ १८, पोखरा । गण्डकी प्रदेश सरकारले जनयुद्धका घाईते, अपाङ्ग तथा शहिद परिवारलाई स्वास्थ्य उपचार निःशुल्क गर्ने निर्णय गरेको छ । प्रदेशको मन्त्रीपरिषदको बैठकले उक्त र्निणय गरेको हो ।

प्रदेशका स्वास्थ्य तथा जनसंख्या मन्त्री मधु अधिकारी गुरुङ्गले पदभार ग्रहण गर्ने बेला पहिलो निर्णय गरेकी थिइन् । सरकारले यसअघि निति तथा कार्यक्रममा समावेश गरी आवश्यक कार्यबिधि बनाएर उक्त निर्णय गरेको स्वास्थ्य तथा जनसंख्या मन्त्री मधु अधिकारी गुरुङ्गले दिइन् ।

प्रदेश सरकारको यो निर्णयसँगै अब गण्डकी प्रदेशभित्र रहेका जनयुद्धका घाईते, अपाङ्ग तथा शहिद परिवारले निःशुल्क स्वास्थ्य उपचार पाउने भएका छन । माओवादी सरकारमा पुगे पनि शहिद बेपत्ता तथा घाइतेलाई वेवास्था गरेको आरोप लाग्ने गरको थियो ।

राजनीतिक परिवर्तनमा ज्यानको आहुती दिने महान शहिद, बेपत्ता तथा आन्दोलनका क्रममा घाईते भएका योद्धाहरुलाई थोरै भएपनि यो निर्णयले मलम लगाउने काम गरेको मन्त्री अधिकारीले बताइन् ।

अहिले स्वास्थ्य तथा जनसंख्या मन्त्रालयले निर्माण गर्दे गरेका स्वास्थ्य नीतिमा पनि आधारभूत वर्गलाई स्वास्थ्यको पहँुचमा पुर्याउने गरी विषय समेटिने हदैसम्मको प्रयास गरिएको उनको भनाई छ ।