हामी सबैकाे संसारन्यूज

५ असोज, काठमाडौँ । नेपाल स्टक एक्सचेञ्ज (नेप्से) मा आज (असोज ५ गते) मैलुङ खोला जलविद्युतको आईपीओ सूचीकृत भएको छ । नेप्सेमा कम्पनीको ३६ लाख ८१ हजार ४३० कित्ता सेयर सूचीकृत भएको हो । दोस्रो बजारमा कारोबारका लागि नेप्सेले कम्पनीलाई एमकेजेसी (MKJC) सिम्बोल प्रदान गरेको छ ।

नेप्सेले कम्पनीको पहिलो कारोबारको लागि न्यूनतम ९५ रुपैयाँ ७५ पैसादेखि अधिकतम २८७ रुपैयाँ २५ पैसा प्रदान गरेको छ । संस्थाको उक्त सेयर भोली (असोज ६ गते) देखि दोश्रो बजारमा किनबेच गर्न पाइने छ ।

मैलुङ खोला जलविद्युत कम्पनी लिमिटेडले साउन १४ गतेबाट सर्वसाधारणका लागि आईपीओ कुल ७ करोड ३६ लाख २८ हजार ६०० रुपैयाँ बराबरको ७ लाख ३६ हजार २८६ कित्ता आईपीओ निष्कासन गरेको थियो ।