हामी सबैकाे संसारन्यूज

काठमाडौं । नेकपा (एमाले)का अध्यक्ष केपी शर्मा ओलीले आफ्नो नेतृत्वको सरकारको पालामा असाधारण काम भएकोले भन्दै जनताका बीचमा कसरी भोट माग्न जाने होला भन्ने स्थिति नरहेको बताएका छन् । केन्द्रीय कमिटीको बैठकलाई सम्बोधन गर्दै ओलीले आफ्नो नेतृत्वको सरकारले धेरैले सिक्नुपर्ने गरी काम गरेको दाबी गरे ।

एमालेसँग विचार र भिजनको कमी नभएको भनाई उनको छ ।

‘जनताकोमा कसरी भोट माग्न जाने होला भन्ने स्थिति छैन । केही काम नगरेका र खराब गरेकाहरू त चुनावमा जाने भन्दैछन्,’ ओलीले भनेका छन्, ‘जनताको पक्षमा असाधारण काम भएका छन् । यो कुराको झलक राजनीतिक प्रतिवेदनमा छ ।’

उनले आफ्नो पार्टी प्रतिपक्षी भयो भन्दैमा चिन्ता मान्न नपर्ने बताए । उनले भने, ‘फेरि पनि सम्हालिएर अगाडि बढ्न सक्छौं । कसरी भोट माग्न जाने होला भन्ने स्थिति छैन ।’