हामी सबैकाे संसारन्यूज

काठमाडौं । नेकपा (एमाले) उपाध्यक्ष भीम रावलले पार्टी केन्द्रीय कमिटी बैठकलाई बहिस्कार गरेका छन् । आइतबार जारी बैठकमा १० बुँदेबारे छलफल नभएपछि उनले बहिस्कार गरेका हुन् ।

पार्टी अध्यक्ष केपी शर्मा ओलीले १० बुँदेबारे छलफल गर्न तयार नभएपछि रावलले बहिस्कार गरेको बुझिएको छ । यसअघि शुक्रबारको बैठकमा रावलले १० बुँदेबारे छलफल गरिनुपर्ने एजेण्डा राखेका थिए । तर, ओलीले केन्द्रीय कमिटीको बैठकको बीचमा छुट्टै स्थायी समिति बैठक राखेर छलफल गर्छु भनेपछि उनको एजेण्डा रोकिएको थियो ।

तर, आइतबार बैठक सम्पन्न गर्ने तयारी गर्दै गर्दा १० बुँदेबारे छलफल गर्न बेग्लै बैठक नबोलाए पछि रावलले बहिस्कार गरेका हुन् । बैठकको सुरुवातीमा उपस्थित रावल तत्कालै बैठक स्थलबाट बाहिरिएका थिए ।