Sansar News
काठमाडौं । एमाले छाड्ने तर माओवादी नफर्किने निर्णय गरेका प्रभु शाह अन्ततः नेपाल कम्युनिष्ट पार्टी (नेकपा)लाई नै ब्यूँताउने निर्णयमा पुगेका छन् । शाहले नेकपालाई ब्यूँताउन आफ्नो अध्यक्षतामा ५१ सदस्यीय केन्द्रीय कमिटीको समेत संरचना तयार गरिसकेका छन् ।
उनले केही दिनभित्रमै नेकपा गठनको घोषणा गर्ने तयारीसमेत गरेका छन् । बताइएअनुसार तत्कालिन नेकपाको विघटनसँगै एमालेतिर लागेका माओवादी समूहका नेताहरुलाई समेट्ने तयारी शाहको छ ।
आफ्ना माग पुरा नभएसँगै शाह पछिल्लो समय माओवादी फर्किने तयारीमा जुटेका थिए । तर, माओवादीको शीर्ष तहले उनलाई वेवास्ता गरेसँगै उनी नेकपा पुनर्गठन गर्न तर्फ जुटेका हुन् ।
वि.सं.२०७८ कात्तिक ९ मंगलवार १२:५५ मा प्रकाशित
