हामी सबैकाे संसारन्यूज

काठमाडौं । काठमाडौंको कपुरधारामा डेरा गरी बस्ने एक व्यक्ति लामो समयदेखि सम्पर्क नआएपछि कोठा फोरेर हेर्दा पेस्तोलसहित विभिन्न हात हतियार भेटिएको छ ।

बिगत सात महिनादेखि कोठा बन्द गरेर हिँडेका सोलुखुम्बु साबिक देउसा गाविस–४ घर भएका ३४ वर्षीय मिलन कुमार राईको प्रहरी, जनप्रतिनिधि, स्थानीयको रोहबरमा कोठा फोरेर हेर्दा झोलाभित्र उक्त हतियार र विभिन्न कागजपत्रहरू बरामद भएको हो ।

प्रहरीका अनुसार उनको कोठाबाट १ थान पेस्तोल, सोही पेस्तोलको ४ राउण्ड गोली, २ थान म्याग्जिन, १ थान खुकुरी, विभिन्न किसिमका छाप तथा कागजपत्रहरु बरामद भएको हो ।

प्रहरीले मिलनको खोजी गर्नुका साथै यस सम्बन्धमा आवश्यक अनुसन्धान गरिरहेको समेत जनाएको छ ।