हामी सबैकाे संसारन्यूज

२० फागुन,त्रिशूली(नुवाकोट)  । जिल्ला खेलकुद विकास समितिको आयोजनामा नवौं राष्ट्रपति रनिङ शिल्ड खेदकुद प्रतियोगिता आज सम्पन्न भएको छ ।
‘स्वास्थ्यको लागि खेलकुद, राष्ट्रका लागि खेलकुद’ भन्ने मूल नाराका साथ सम्पन्न प्रतियोगिताको उपाधि क्षेत्रपाल मावि चौघडाले जितेको छ । तीन सय २७ अङ्क सहित पहिलो भएको क्षेत्रपालले रु १५ सहित ट्रफी र प्रमाणपत्र प्राप्त गरेको छ ।
प्रजिअ विष्णुप्रसाद पोखरेलले विजेता खेलाडीलाई पुरस्कार तथा प्रमाणपत्र प्रदान गर्दै खेलकुदको विकासले सिङ्गो देशलाई चिनाउने बताउनुभयो । स्थानीय विकास अधिकारी केशरबहादुर पण्डितले खेलकुदले राष्ट्रका लागि मात्र नभई व्यक्तिगत जीवनमा पनि महत्वपूर्ण भूमिका निर्वाह गर्ने बताउनुभयो । प्रतियोगितामा ३३ विद्यालयका तीन सय २० विद्यार्थीको सहभागिता थियो । त्रिशूली कोलनीमा भएको प्रतियोगितामा भलिबल, एथलेटिक्स र कबड्डी समावेश गरिएको थियो । रासस