Sansar News
काठमाडौं । नेपालमा पछिल्लो २४ घण्टामा २९९ कोरोना संक्रमित थपिएका छन् ।
पछिल्लो २४ घण्टामा गरिएको ११ हजार १५१ नमुना परीक्षणमा २९९ कोरोना संक्रमित थपिएका हुन् ।
पछिल्लो २४ घण्टामा थपिएका २९९ कोरोना संक्रमितसँगै हालसम्म संक्रमित हुनेको संख्या ९ लाख १३ हजार ५५७ पुगेको छ ।
त्यसैगरी पछिल्लो २४ घण्टामा निको भएका २६० जना कोरोना संक्रमितसँगै हालसम्म निको हुनेको संख्या ७ लाख ९९ हजार १७६ पुगेको छ ।
त्यस्तै पछिल्लो २४ घण्टामा संक्रमणबाट ज्यान गुमाएका ६ जनासँगै नेपालमा हालसम्म संक्रमणबाट ज्यान गुमाउनेको संख्या ११ हजार ४८९ पुगेको छ ।
हाल देशैभरी ७ हजार ६४२ जना सक्रिय संक्रमित रहेका छन् । ती मध्ये ७ हजार १६९ जना होम आइसोलेशन र ४७३ जना संस्थागत आइसोलेशनमा रहेका छन् ।
त्यसैगरी हाल देशैभरीका विभिन्न अस्पतालका आइसीयुमा २२४ जना र भेन्टिलेटरमा ६० जनाको उपचार भइरहेको मन्त्रालयद्धारा जारी विवरणमा उल्लेखछ ।
नेपालमा हालसम्म १ करोड ६७ लाख ९ हजार ६६२ जनाले कोरोना भाइरसविरुद्धको खोप लगाएका छन् । ती मध्ये ८९ लाख ९६ हजार २५३ जनाले पहिलो मात्रा र ७७ लाख १३ हजार ४०९ जनाले दोस्रो मात्राको खोप लगाएका छन् । पछिल्लो २४ घण्टामा ७१ हजार ८९२ जनाले कोरोना भाइरसविरुद्धको खोप लगाएका छन् ।
वि.सं.२०७८ मंसिर २ बिहीवार १६:२४ मा प्रकाशित
