हामी सबैकाे संसारन्यूज

८ मंसिर, काठमाडौँ । आइसिसी टी-२० महिला विश्वकप अन्तर्गत एसिया छनोटमा भुटान नेपालसँग ८ विकेटले पराजित भएको छ ।

टस जितेर पहिले ब्याटिङ्ग गरेको भुटानले २० ओभरमा ६ विकेटको गुमाएर ६१ रन बनाएको थियो । भुटानका लागि ब्याटिङ्गमा ओपनरद्वय नवाङ छोडेनले सर्वाधिक १३ रन बनाएकी थिइन । त्यसैगरी बलिङमा नेपालका लागि सीता रानामगरले सर्वाधिक ३ विकेट हात पारेकी थिइन्।

भुटानले दिएको ६२ रनको सामान्य लक्ष्य नेपालले ८.३ ओभरमा २ विकेट गुमाएर पुरा गर्यो । नेपालका लागि ब्याटिङ्गमा इन्दू बर्माले सर्वाधिक २६ रन जोडिन् । त्यसैगरी सीता रानामगरले १७, कप्तान रूबिना क्षेत्री १० रनको योगदान दिएकी थिइन ।