Sansar News
काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले सर्वोच्चभित्र देखिएको विवादका विषयमा आफुहरुले आवस्यक निर्णय लिने बताएका छन् ।
बुधवार धनगढी विमानस्थलमा प्रेस सेन्टर कैलालीले गरेको पत्रकार सम्मेलनमा अध्यक्ष प्रचण्डले न्यायालयभित्रको विवाद त्यहिबाट नै समाधाने हुने विश्वासमा आफुहरुले आवस्यक कदम नचालेको समेत बताएका छन् । तर, न्यायालयले त्यसको निकास दिन नसकेमा सत्तारुढ गठबन्धनको बैठक बसेर तत्कालै आवस्यक कदम चालिने समेत उनले बताए ।
अध्यक्ष प्रचण्डले न्यायालयभित्र देखिएको समस्याका विषयमा गठबन्धनबीच कुनैपनि छलफल नभएकाले आवस्यक परेमा निर्णय लिइने बताए ।
सोहि पत्रकार सम्मेलनमा अध्यक्ष प्रचण्डले एमसीसीका विषयमा जनतालाई बुझाएर मात्र पारित गर्नुपर्ने आफुले भन्दै आएको बताउँदै सत्ता गठबन्धनका केहीले आफु अनुकुल बोलिरहेकोले त्यसमा कुनै सत्यता नभएको बताए ।
वि.सं.२०७८ मंसिर ८ बुधवार ११:०१ मा प्रकाशित
