हामी सबैकाे संसारन्यूज

१
मेल मिलापमा बसी काटौँला जीवन हामी,
दुश्मनको जालमा नपरौँ आज कर्मी धामी।
२
मनमा लागेको हृदय खोलेर बोल्न सिक,
छ भनी कुनीयत मनभित्र लुकेको झिक ।
३
जून जस्तो मन बनाऊँ दाग रहित अब,
मिलेर काटौँला जीवनको बाटो हामी सब ।
४
निश्चल छ मन भने हाम्रो त्यसैमा जीवन,
किन चाहिन्छर यो कागजले बनेको धन ।
५
मन भन्दा सुन्दर तन भएर हुन्छ धोका,
यो दुनियाँमा भेटिन्छन् लाछी मानिएका भोका ।
६
आत्मीय भए त्यही आफ्नो हुन्छ रगत जस्तै,
तनको सुन्दर भेटिन्छ समाजमा प्रसस्तै ।
७
मलाई देशभक्ति राम्रो लाग्छ र आफ्नो वर्ग,
प्रेमी बसेरा जीवनको सवेरा लाग्छ स्वर्ग ।
८
सेतो हिमाल र सगरमाथा जस्तै भेटिन्न,
न पाउँदा आफ्नो देश मनको तिर्खा मेटिन्न ।
९
आऊ सारा नेपाली हो मिलेर बनाऊँ देश,
छाडेर यस्तो रमझम अनि पैसाको रेश ।
१०
अखण्ड बनाऊँ मातृत्व आफु काखमा बसी,
न बने ठग र न हिँड अल्छी खरानी घसी ।

सुरेशकुमार पाण्डे, घोराही, दाङ