Sansar News
काम नै नगरी, ठगी गरेर
इमान छाडी, लोभी भएर
जो ओड्छ छाता, अरु समाई
नहोस् है साथ, कब उसलाई ।१।
जोडेर हात, झुकाएर शिर
सभक्ति वन्दना, छिपाई पिर
गर्नुछ कर्म,सबले रमाई
अनित्य दुनिया, निष्ठा समाई ।२।
छ धर्ती समान, प्रकृति समान
रगतै समान, नाता समान
हुदैन मान्य, विभेद जमान
नहुन्छ ठिक, गरेको अपमान ।३।
फुल्दछ फूल, रम्दछ दुनिया
कतै लिन्न मूल्य, बनी बनिया
गमेर हेर ,पाठ शक्ति दिन्छ
सुवास हावा, सित्तै त लिन्छ ।४।
प्रीति मुटुहो, जननी मुहार
मायाँ घरको, अमूल्य जुहार
सगरमाथा, शिरै त्यो गहना
हो बुद्ध भूमि, पुर्खा लहना ।५।
छन्द: पादाकुलक
ओम आचार्य, अर्घाखाँची
वि.सं.२०७८ पुस ३ शनिवार ०७:३६ मा प्रकाशित
