Sansar News
काठमाडौं । विवेकशील पार्टीकी नेतृत्व रन्जु दर्शनाले पार्टीका अध्यक्ष रविन्द्र मिश्रसँग असन्तुष्टि जनाउँदै पार्टी त्याग गरेको घोषणा गरेकी छन् ।
उनले पार्टी परित्याग गरेको घोषणा गरेसँगै संयोजक मिलन पाण्डेले दर्शनलाई धन्यवाद दिँदै आफुहरुले देखेका सपना नमर्ने बताउँदै यो कठिनाई पारेर गरेर अगाडि बढ्ने बताएका छन् ।
पार्टीबाट अलग भइसकेका संयोजक पाण्डेले दर्शनाले पार्टी त्यागेको घोषणा गरेसँगै भनेका छन्– तपाईंलाई नेतृत्वको लागी धन्यवाद रन्जु । हाम्रा सपना मर्ने छैन। हाम्रो आन्दोलन यो कठिनाई पार गरेर अघि बढ्ने छ ।’
विवेकशील साझाको मंगलबार बसेको मिश्र पक्षको केन्द्रीय कार्यसम्पादन समिति बैठकले पार्टीको सदस्य समेत नरहने गरी पाण्डेलाई निष्कासन गर्ने निर्णय गरेको थियो ।
मिश्र समूहले पाण्डेलाई एक पत्र पठाउँदै उनलाई पार्टीको सदस्य समेत नरहने गरी निष्कासन गरिएको निर्णय गरेको जनाएको थियो ।
केही दिनअघि मिश्रले पाण्डेलाई स्पष्टीकरण सोधेको र पाण्डेले त्यसको त्यसको जवाफ दिएका थिए ।
नेतृ रन्जु दर्शनाद्धारा पार्टी परित्याग गरेको घोषणा (विज्ञप्तिसहित)
वि.सं.२०७८ पुस ८ बिहीवार १२:४५ मा प्रकाशित
