Sansar News
काठमाडौं । नेपाल कम्युनिष्ट पार्टी ( माओवादी केन्द्र) को महाधिवेशन आज ३ बजे उद्घाटन हुदैछ ।
प्रथम राष्ट्रिय सम्मेलनलाइ महाधिवेशनमा रुपान्तरण गर्दै आइतवारदेखि काठमाडौंमा सुरु हुने महाधिवेशनको कमलादीस्थित प्रज्ञा भवनमा आइतवार दिउँसो ३ बजे प्रचण्डबाट उदघाटन हुने भएको हो ।
२६ डिसेम्बर अर्थात माओ दिवसको अवसर पारेर आयोजना गरीएको सम्मेलनलाई माओवादीले ८औं महाधिवेशनमा रुपान्तरण गर्ने निर्णय गरिसकेको छ ।
आयोजक समितिबाट १७९, सल्लाहकारबाट १४९, ज्येष्ठ कम्युनिष्ट मञ्चबाट १२५, केन्द्रीय विभागबाट १०२, केन्द्रीय प्रतिनिधि २७ , प्रदेश प्रतिनिधिबाट ८०३ तथा मनोनीत झण्डै १५० गरी १६०० बढी संख्याका प्रतिनिधि सहभागी हुने बताइएको छ ।
थप अर्को निर्णय भएन भने यो महाधिवेशनले १५ सदस्यीय पदाधिकारी सहित बिभिन्न क्लष्टरका समेत गरी २९९ सदस्यीय नयाँ नेतृत्व चयन गर्नेछ । सम्मेलनमा सहभागी हुने माओवादीका प्रतिनिधिहरू बिदेश तथा भारत र देशका बिभिन्न भागबाट काठमाण्डौ आइसकेका छन ।
वि.सं.२०७८ पुस ११ आइतवार ०९:१३ मा प्रकाशित
