Sansar News
काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले राष्ट्रिय विकास लागि ८ योजना र कार्यक्रम अघि सारेका छन् ।
‘२१ औं शताब्दिमा समाजवादको नेपाली बाटो’ विषयक उनको ४५ पेजको दस्तावेजमा ४३ औं पृष्ठमा उनले नेता र कार्यकर्तालाई जोड्ने गरी सो धारणा सार्वजनिक गरेका हुन् ।
उक्त ८ कार्य योजनाको पहिलो बुँदामा अध्यक्ष प्रचण्डले हरेक पालिकामा कम्तिमा ५० जना संलग्न गरी अनिवार्य कृषि उद्यम÷उद्योग ६ महिनाभित्र स्थापना गर्ने बताएका छन् ।
दोस्रोमा त्यस्तो उद्यम स्थानीय स्रोत, बजार, प्रविधि, दक्ष जनशक्तिलाई ख्याल गरेर स्थानीय तहमै तय गर्ने । खाद्यान्न, पशुपालन, फलफूल, तरकारी, नगदेबाली, घरेलु तथा सना उद्योग वा अन्य श्रृजनात्मक काम हुन सक्ने । जमिन चक्लाबन्दी गरी किसानको स्वामित्व कायम रहने र उनीहरु समेत शेयरधनी हुने गरी कम्पनी वा सहकारी वा साझेदारीमा त्यस्ता व्यवसाय सन्चालन हुन सक्ने ।
तेस्रोमा अलि ठूलो परिणाममा काम गर्न चाहाने दुई वा दुई भन्दा बढी पालिकाले संयुक्त रुपमा वा समन्वयमा त्यस्तो उद्यम/व्यवसाय गर्न सक्ने ।
चौथोमा राज्यले प्रदान गर्ने सहुलियत, सुविधा, र पूर्वाधार निर्माणमा पालिका जिल्ला, प्रदेश र केन्द्रले सूचना संप्रेषण, समन्वय, सहजीकरण तथा सहयोग जुटाउन पहल गर्ने ।
पाँचौमा जिल्ला तहमा पालिकास्तरका उद्यमीवीच समन्वय गर्ने र पालिका स्तरमा उद्यमलाई चाहिने प्राविधिक तथा बजार व्यवस्थापनमा सघाउने व्यवस्था मिलाउने ।
छैटौंमा प्रदेशले जिल्ला स्तरबाट अनुरोध भएका क्षेत्रमा प्राविधिक सहयोग, अन्तरजिल्ला समन्वय र बजारीकरणको काम गर्ने । प्रदेशले कम्तीमा १०० जनालाई प्रत्यक्ष रोजगारी दिने गरी एक कृषि प्रशोधन तथा बजार केन्द्र तथा चिस्यान केन्द्र सम्बन्धी उद्योग स्थापना गर्ने ।
सातौं केन्द्रमा केन्द्रीय स्तरको प्रशोधन केन्द्र, चिस्यान केन्द्र र एक बजारको व्यवस्था गर्ने । त्यसका लागि शक्तिसाली उद्यम÷व्यवसाय परिचालन विभाग अध्यक्षको मातहत राख्ने ।
आठौं हरेक पार्टी कार्यकर्ताले वर्षमा १५ दिन ती स्थापित कृषि फार्म वा उद्यममा श्रम गर्नुपर्ने ।
वि.सं.२०७८ पुस १३ मंगलवार १०:०८ मा प्रकाशित
