Sansar News
बुटवल । कृषि खाद्य प्रविधि तथा भूमि व्यवस्था मन्त्रालयले बुटवलले झण्डै ५०० को संख्यामा करारमा कर्मचारीको माग गरेको छ ।
मन्त्रालयले शुक्रवार एक सूचना जारी गर्दै विभिन्न जिल्लाका लागि ४५२ कर्मचारीको माग गरेको छ ।
मन्त्रालयले प्रदेशका अर्घाखाँची, कपिलवस्तु, गुल्मी, दाङ, नवलपरासी, प्युठान, पाल्पा, बर्दिया, बाँके, रुकुमपूर्व, रुपन्देही र रोल्पामा नायक प्राविधिक सहायक र नायक पशु सेवा प्राविधिक कर्मचारीको माग गरेको हो ।
मन्त्रालयका अनुसार लिखित तथा अन्तवार्ता दुवै प्रक्रियाबाट चयन गरिने कर्मचारीको छनौट जिल्लाको सदरमुकाममा परीक्षा केन्द्र तोकिएको छ ।
मन्त्रालयका अनुसार दरखास्त बुझाउनका लागि नववलपरासी .ब.सु.प, पाल्पा, गुल्मी, कपिलवस्तु, अर्घाखाँची, रोल्पा, दाँ, बाँके जिल्लाको हकमा सम्बन्धीत जिल्लास्थित कृषि ज्ञान केन्द्र तथा प्युठान, बर्दिया र रुकुमपुर्व जिल्लाको हकमा सम्बन्धीत जिल्लाको एकिकृत कृषि तथा पशुपन्छी विकास कार्यालयमा र रुपन्देही जिल्ला तथा सम्बन्धीत ल्लिामा दरखास्त बुझाउन नसक्नेको हकमा कृषि विकास निर्देशनालय बुटवलमा बुझाउन सकिनेछ ।
वि.सं.२०७८ पुस १६ शुक्रवार ०९:४५ मा प्रकाशित
