हामी सबैकाे संसारन्यूज

१.
जन्मभूमि जननीको रक्षा गरौँ,
पापको भुमरीबाट टाढै परौँ ।
२
मातापिताको सेवागर्न मूख्य त ज्ञान चाहिन्छ,
बा–आमा गुरुको सेवा गरे आशीर्वाद पाइन्छ ।
३
अनाथ हरूलाई सेवा गरी भोकाएको त्यो पेट भर्नुछ,
आफ्नो संस्कृति संस्कार रक्षा गर्दै देशमा सन्देश छर्नुछ ।
४
शत्रुको अगाडि देश बचाउनुछ,
बैरीहरूलाई डाँडा कटाउनुछ ।
५
सबै मिलेर संरक्षण गरौं आफ्नो देशलाई,
विश्वका अगाडि झल्काऊँ हाम्रो भाषा भेषलाई ।
६
देशमै उन्नति गरौँ सबै नरनारी मिलेर हाइ ,
हामीहरू बिदेशीको धरालो नबनौँ है दाजु भाइ ।
७
हातमा हात मिलाई हामी अघि डटेर जाऊँ,
असाहायहरूलाई संरक्षण गर्दै बढेर आऊँ ।
८
नेपालको धन हरियो वन,
सातै प्रदेशमा गएर गन ।
९.
रिसको अहंकारले आफैँलाई जलाउनु,
बुद्धि विचार पुर्याई देशलाई बचाउनु ।
१०
कसैले कसैको रिस राग नभरौं ,
सबैले सबैको लौ संरक्षण गरौं ।

बेदु न्यौपाने, काठमाडौं