हामी सबैकाे संसारन्यूज

९ पुष, काठमाडौँ । २०२२ को आईपिएल अक्सनका लागि नेपाली राष्ट्रिय टिमबाट १५ खेलाडीले आफ्नो नाम दर्ता गराएका छन । नेपाली राष्ट्रिय टिमका कप्तान सन्दिप लामिछाने सहित १५ खेलाडीले २०२२ को अक्सनका लागि आफ्नो नाम दर्ता गराएका हुन ।

अक्सनका लागि नाम दर्ता गराएका खेलाडीमा सन्दीप लामिछाने, कुशल भुर्तेल, करण केसी, सोमपाल कामी, दीपेन्द्रसिंह ऐरी, आसिफ शेख, पवन सराफ, सन्दीप जोरा, रोहित पौडेल, सुशन भारी, आरिफ शेख, अभिनास बोहरा, विनोद भण्डारी, शरद भेषवाकर र कुशल मल्ल रहेका छन ।

आइपिएल २०२२ को मेघा अक्सनका लागि कुल १२ सय १४ खेलाडीले नाम दर्ता गराएका छन । जसमा ८९६ भारतीय खेलाडी रहेका छन भने ३१८ विदेशी खेलाडी गरेका छन । २०२२ को आईपिएलको मेघा अक्सन फेब्रुअरी १२ र १३ मा हुनेछ।