Sansar News
काठमाडौं । नेपालमा आज ३ हजार १७५ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एन्टिजेन र पिसीआर विधिबाट गरिएको १२ हजार ६०५ नमुना परीक्षणमा ३ हजार १७५ जना संक्रमित थपिएका हु्न् ।
आज थपिएका ३ हजार १७५ जनासँगै नेपालमा हालसम्म कोरोना संक्रमित हुनेको संख्या १० लाख ९३ हजार ७९९ पुगेको छ ।
आज काठमाडौंमा १२४९, ललितपुरमा १८३ र भक्तपुरमा ७७ जना गरी उपत्यकामा १५०९ जना संक्रमित थपिएका हुन् । बुधवारको तुलनामा आज भक्तपुर र ललितपुरमा संक्रमितको संख्या घटेको छ भने काठमाडौंमा केही बढेको छ ।
त्यसैगरी पछिल्लो २४ घण्टामा ८ हजार २३ जना कोरोना संक्रमणबाट मुक्त भएका छन् । आज निको भएका ८ हजार २३ जनासँगै नेपालमा कोरोनाबाट मुक्त हुनेको संख्या ८ लाख ८७ हजार ४४३ पुगेको छ । कूल संक्रमित हुनेमध्ये निको हुनेको यो संख्या ९२.२ हो ।
नेपालमा पछिल्लो २४ घण्टामा १४ जना कोरोना संक्रमितको मृत्यु भएको छ । आज थपिएका १४ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ७७८ पुगेको छ ।
त्यसैगरी हाल देशैभरी ६३ हजार २९३ जना सक्रिय संक्रमित रहेका छन् । ती मध्ये होम आइसोलेशनमा ६१ हजार ८६२ जना र संस्थागत आइसोलेशनमा १४३४ रहेका छन् । ती मध्ये पनि आइसीयुमा २८१ र भेन्टिलेटरमा ५९ जनाको उपचार भइरहेको छ ।
नेपालमा पछिल्लो २४ घण्टामा २ लाख ६६ हजार ५४० जनामा कोरोना भाइरसविरुद्धको खोप लगाइएको पनि मन्त्रालयले जानकारी दिएको छ ।
वि.सं.२०७८ माघ २० बिहीवार १७:३६ मा प्रकाशित
