Sansar News
काठमाडौं । भारतमा कोरोना संक्रमित हुनेको संख्या निरन्तर घटिरहेको छ ।
भारतमा बिहीवार १ लाख ४९ हजार कोरोनाका नयाँ संक्रमित थपिएका हुन् । विगत केहीदिनकामे तुलनामा यो संख्या झण्डै आधाले कम हो । बुधवारको तुलनामा संक्रमितको संख्या २३ हजारले घटेको हो ।
भारतको स्वास्थ्य मन्त्रालयका अनुसार बिहीवार संक्रमित हुनेको यो संख्या कोरोना महामारीको तेस्रो लहर सुरु भएयताकै सबै भन्दा कम हो ।
त्यसैगरी सोहि अवधिमा २ लाख ४६ हजार जना कोरोना संक्रमण मुक्त भएका छन् भने बिहीवार १ हजार ७२ जना कोरोना संक्रमितले ज्यान गुमाएका छन् । भारतमा कोरोना संक्रमित हुनेको संख्यामा निरन्तर कमी आएपनि मृत्यु दर भने घट्न सकेको छैन ।
भातरमा हाल १४ लाख ३५ हजार सक्रिय संक्रमितको उपचार भइरहेको छ ।
भारतमा हालसम्म ४ करोड १९ लाख कोरोना संक्रमित भइसकेका छन् भने ती मध्ये ४ करोड निको भएका छन् । साथै कूल संक्रमित मध्ये हालसम्म मृत्यु हुनेको संख्या ५ लाख पुगेको छ ।
वि.सं.२०७८ माघ २१ शुक्रवार ११:५४ मा प्रकाशित
