हामी सबैकाे संसारन्यूज

काठमाडौं । नेपालमा पछिल्लो २४ घण्टामा ११२८ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एन्टिजेन र पिसीआर विधिबाट गरिएको २० हजार ९८९ नमुना परीक्षणमा ११२८ जना नयाँ संक्रमित थपिएका हु्न् ।

आज थपिएका ११२८ जनासँगै नेपालमा हालसम्म कोरोना संक्रमित हुनेको संख्या ११ लाख ९ हजार ११४ पुगेको छ ।

आज काठमाडौंमा २०३ भक्तपुरमा १७ र ललितपुरमा ४५ गरी २६५ जना संक्रमित भएका छन् ।

त्यसैगरी पछिल्लो २४ घण्टामा २२१५ जना कोरोना संक्रमणबाट मुक्त भएका छन् । आज निको भएका २२१५ जनासँगै नेपालमा कोरोनाबाट मुक्त हुनेको संख्या ९ लाख ३२ हजार ८२२ पुगेको छ ।

नेपालमा पछिल्लो २४ घण्टामा १४ जना कोरोना संक्रमितको मृत्यु भएको छ । आज थपिएका १४ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ८७८ पुगेको छ ।

त्यसैगरी हाल देशैभरी २७ हजार ४४१ जना सक्रिय संक्रमित रहेका छन् । ती मध्ये होम आइसोलेशनमा २६ हजार ४५० जना र संस्थागत आइसोलेशनमा ९९१ जना रहेका छन् । ती मध्ये आइसीयुमा २०६ र भेन्टिलेटरमा ३६ जनाको उपचार भइरहेको छ ।

नेपालमा आज १ लाख ४५ हजार २६५ जनाले कोरोना भाइरसविरुद्धको खोप लगाएका छन् ।

पछिल्लो २४ घण्टामा थपिए १३६९ कोरोना संक्रमित, १२ जनाको मृत्यु