Sansar News
काठमाडौं । नेपालमा पछिल्लो २४ घण्टामा ६८० जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार ९५ नमुना परीक्षणमा ६८० जनामा संक्रमण पुष्टि भएको हो ।
आज थपिएका ६८० जनासँगै नेपालमा हालसम्म कोरोना संक्रमित हुनेको संख्या ११ लाख ११ हजार ६९८ पुगेको छ ।
त्यसैगरी पछिल्लो २४ घण्टामा १८३५ जना कोरोना संक्रमणबाट मुक्त भएका छन् । आज निको भएका १८३५ जनासँगै नेपालमा कोरोनाबाट मुक्त हुनेको संख्या ९ लाख ४२ हजार ७३७ पुगेको छ ।
नेपालमा थप २ जना कोरोना संक्रमितको मृत्यु भएको छ । आज थपिएका २ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ९०२ पुगेको छ ।
त्यसैगरी हाल देशैभरी १९ हजार ४०० जना सक्रिय संक्रमित रहेका छन् । ती मध्ये होम आइसोलेशनमा १९ हजार ९८२ जना र संस्थागत आइसोलेशनमा ७५७ जना रहेका छन् । ती मध्ये आइसीयुमा १७४ र भेन्टिलेटरमा ३३ जनाको उपचार भइरहेको छ ।
त्यसैगरी नेपालमा आज ४३ हजार ८८१ जनाले कोरोना भाइरसविरुद्धको खोप लगाएका छन् ।
वि.सं.२०७८ फागुन ३ मंगलवार १७:३२ मा प्रकाशित
