हामी सबैकाे संसारन्यूज

काठमाडौं । अमेरिकी आर्थिक सहयोग मिलेनियम च्यालेन्ज कम्प्याक्ट (एमसीसी) को विरोधमा ६ दलीय मोर्चा बुधवार बन्दको आव्हान गर्दै बिहानैदेखि सडकमा उत्रिएको छ ।

एमसीसीको विरोधमा मोहन वैद्य नेतृत्वको नेकपा क्रान्तिकारी माओवादी, नेत्रविक्रम चन्द नेतृत्वको नेपाल कम्युनिस्ट पार्टी, ऋषि कट्टेल नेतृत्वको नेकपा, आहुति नेतृत्वको वैज्ञानिक समाजवादी पार्टी र कर्णजित बुढाथोकी नेतृत्वको नेकपा माओवादी केन्द्र समाजवादी तथा सीपी गजुरेल नेतृत्वको देशभक्त गणतान्त्रिक मोर्चा नेपाल पार्र्टीका नेता तथा कार्यकर्ताहरु सडकमा उत्रिएका छन् ।

आज दिउँसो बस्ने प्रतिनिधिसभाको बैठकमा एमसीसी टेवुल गर्ने नेपाली कांग्रेस लगायतका केही दलको निर्णयपछि त्यसको विरोधमा ६ दलीय मोर्चा लगायत विभिन्न पार्टीका भातृसंगठन तथा एमसीसी विरोधि अभियन्ताहरु सडकमा उत्रिएका छन् ।

६ दलीय मोर्चाको बन्द आव्हान र यसबाट हुन सक्ने क्षतिलाई रोक्न गृहमन्त्रालयले मंगलवारै सर्कूलर जारी गरेर व्यापक रुपमा सुरक्षाकर्मी परिचालन गरेको छ । सोहि क्रममा दुई दर्जन बन्दकर्ताहरु पक्राउ परेको समेत प्रहरीले जनाएको छ ।

वैद्य र विप्लवसहितको ६ दलीय मोर्चाद्धारा नेपाल बन्दको घोषणा