Sansar News
काठमाडौं । नेकपा एमालेका सचिव योगेश भट्टराईले एमालेले ब्लांक चेक नदिने बताएका छन् ।
प्रतिनिधिसभाको बिहीबारको बैठक स्थगित भएपछि संचारकर्मीसँग कुरा गर्दै भट्टराईले कांग्रेसले सहमतिका नाममा एमालेसँग ब्लयांक चेक मागिरहेको बताए ।
‘सत्तापक्षले हामीले उठाएका मागहरुको कुनैपनि सम्बोधन नगरी ब्लांक चेक दिनुस् भनिरहनु भएको छ,’ सचिव भट्टराईले भने, ‘नेकपा एमालेले पार्टीका संकट ल्याएर गुटमा थोपर्ने, गुटका संकट ल्याएर गठबन्धनमा थोपर्ने अनि गठबन्धनको संकटलाई राष्ट्रिय संकट ठान्ने काम थरिएको छ । यो गठबन्धनको असफलता हो । यसले मलुककको अन्तराष्ट्रिय बेइज्जत गरेको छ । यसको जिम्मा गठबन्धनले लिनुपर्छ ।’
सचिव भट्टराईले एमसीसीका बारेमा विपक्षी पार्टीको कुनैपनि दायित्व नभएको भन्दै सत्तापक्षले नै यसको निर्णय गर्ने बताए ।
उनले गठबन्धन भत्किनु मुलुकको निकास हुने बताउँदै छिटै भत्किनुपर्ने समेत बताए ।
वि.सं.२०७८ फागुन १२ बिहीवार १४:३७ मा प्रकाशित
