हामी सबैकाे संसारन्यूज

दोहा,कतार । नेपाली जनप्रगतिशील मन्च राष्ट्रिय समिति कतारले एमसिसी सम्झौतामा रहेका अपमानजनक शर्तहरु खारेजीको माग गर्दै नेपाली राजदूतावास कतारमा ज्ञापनपत्र बुझाएको छ ।

मञ्चले बुधबार ज्ञापनपत्र बुझाउदै एमसीसी परियोजनाका केही सर्तहरू नेपालको स्वतन्त्र सार्वभौमसत्ता र स्वाभिमान तथा पञ्चशिल सिद्दान्तको मान्यता बिरुद्धमा रहेको भन्दै सम्झौताबाट असमान बुँदा खारेजीको माग गरेको हो ।

कतारस्थित नेपाली दुतावासका कार्यबाहक राजदूत लक्ष्मण खनाल मार्फत बुझाइएको ज्ञापन पत्रमा एमसीसी सम्झौतामा नेपालको कानुन, संविधान, सम्प्रभुता र राष्ट्रियता प्रति गम्भीर आँच आउने गरि संसदबाट अनुमोदन हुनुपर्ने लगाएतका शर्त राखीएकोमा आपत्ति प्रकट गरिएको छ ।

ज्ञापनपत्रमा नेपालमा थुप्रै मित्र राष्टसंगै अमेरिकी सरकारले पनि विभिन्न सहयोग परियोजना सन्चालन गरिरहेको भए पनि एमसिसि सम्झौतामा थुप्रै असमान शर्तहरु रहेकोले यथास्थितिमा लागु नगर्न माग गरेको छ ।