हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले व्याख्यात्मक टिप्पणीका नाममा कथित तर्कहरु ल्याएर जनता र संसदलाई भ्रममा पार्ने काम गर्न नहुने बताएका छन् ।

आइतवार संसदमा एमसीसी परियोजनाका विषयमा आफ्ना मत राख्दै गठबन्धनभित्र सहमति भएको ‘व्याख्यात्मक टिप्पणी’ अमेरिकाले मान्छ कि मान्दैन भन्ने प्रश्न समेत गरेका छन् ।

सरकार र ठूला राजनीतिक दहरुको आलोकाचो व्यवहारले देशले जुन क्षति व्यर्होनु परेको छ त्यो ती दल र सरकारले मात्र होइन सिंगो देशले व्यहोर्नु परेको छ । त्यसैले बैदेशिक सम्बन्धलाई सत्ता चढ्ने सिढीको रुपमा प्रयोग नगरियोस्’ अध्यक्ष लिङदेनले भने,‘बैदेशिक सम्बन्ध केटाकेटी ढंगले प्रयोग गरियो भन्ने कुरा युक्रेनको घटनाले देखाएको छ ।’
अधयक्ष लिङदेनले बैदेशिक सम्बन्धमा राजनीतिक दल र सरकालाई गम्भीर हुन अपिल समेत गरेका छन् ।