Sansar News
काठमाडौं । नेपालमा आज १५८ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ६ हजार ५०४ नमुना परीक्षणमा १५८ जना कोरोना संक्रमित थपिएका हुन् ।
आज थपिएका १५८ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार २०३ पुगेको छ । ती मध्ये आज निको भएका ३५४ जनासँगै हालसम्म निको हुनेको ंसंख्या ९ लाख ५७ हजार १६७ पुगेको छ ।
पछिल्लो २४ घण्टामा २ जना कोरोना संक्रमितको मृत्यु भएको छ । यो संगै कोरोनाबाट ज्यान गुमाउनेको संख्या ११ हजार ९३८ पुगेको छ ।
त्यसैगरी नेपालमा हाल ७ हजार ९७१ जना कोरोनाका सक्रिय संक्रमित रहेकामा ७ हजार ७७३ जना होम आइसोलेशन र १९८ जना संस्थागत आइसोलेशनमा रहेका छन् । साथै ७५ जना आइसीयु र ८ जना भेन्टिलेटरमा उपचाररत छन् ।
त्यसैगरी नेपालमा थप १ लाख ८ हजार १४० जनाले कोरोनाविरुद्धको खोप लगाएका छन् ।
यो संगै नेपालमा हालसम्म ३ करोड ७२ लाख ३३ हजार ८७२ मात्रा कोरोनाविरुद्धको खोप लगाइएको छ ।
वि.सं.२०७८ फागुन १७ मंगलवार १६:०९ मा प्रकाशित
